zondag 12 november 2017

De groet'n van Hendrik

Julle wollen weh graag weten wie of ik noe binne, dat za'k oe uutleg'n.
Eerder wone wie ten zuden van Wietum en later binne de vrouwe en ik verhuusd naor het noorden, richting herfte. Daor hebbe wie nog een klein boerenspulligie, met nog maar een paar koeichies veur de liefhebberije.
Mien vrouwe heet Fennigje en wie bint jaoren bie mekare. Het was liefde op eerste gezichte, Fennigje mos altied langs mien boerenspulligie fietsen als ze naor de stad hen mos. Zie had een lief kuppie met mooie fletse blauwe euchies, mar ik viele veur de kuten, mooie stevige kuten van al det fietsen.
Fennigje is een lieve vrouwe mar kan ok nukkig wene, waor wel meer vrouwluu last van hebt.
Wa'k ok nog effen kwiet wille, is det mien verhaalties echt bint gebeurd, wie maakt nog wel iens wat met!
Maor het zit er weer an te kom'n. De "Foute Kerst"!
Veurig jaor bint wulle daor ok ewest, machtig gezellig, happie, drankie en un bettie ouwehoeren met mekare. Socialiseren nuumt ze det.
Affijn, Fennigje en ikke loopt gezellig over de kerstmarkt tussen de kreumpies deur, heel gezellig allemaole en daor gebeurden het!
Al die luchies van de vrouwluu, de kerststukkies en alle smikkelaarij. Het greep mie an en daor kwam het. Ik mosse niessen, niet zomaar een nies, mar iene die uit de tienen kwam! En niet alenig uit de tienen, nee, het hele kakement vleug mie uit de snoete. Het dink beland'n op de grond en ging an't kuulen an en bleef mar kuulen.
Ik duiken op de grond umme te kieken waor het dink hen kuulen. Op hande en knieën kreup ik tussen de vrouwluu deur en ik zage het dink deurkuulen totdat het bie de paole nog een keer rondtold'n en daor lag e, ik konne wel lippen. Ik pak' het dink op en proppen het snel weer in mien snoete. Terwijl ik weer in de biene komme, stiet Fennigje recht veur mie en die keek mie toch hellig an, zie haalden uut met de paraplu en ik konne weh janken!
De terugwegge naor huus was lang niet zo gezellig as de henweg.
Maor al met al was't een mooi'n dag.

De groet'n,
Hendrik

De ankomende "Foute Kerst" is op 9 december

Geen opmerkingen:

Een reactie posten